Forum sp 12 w Rybniku

eremce · Wysłany: Czw 23:39, 15 Mar 2007 Temat postu: Po naszymu...

W związku ze zbliżającym się Szkolnym Konkursem Gwarowym przypomniałam sobie o kłopotach, jakie miałam kilka lat temu z wyszukaniem dla uczniów tekstu. Po pierwsze - żeby nie był Szołtyska, bo wszystkie już są znane, a jednocześnie, by zainteresował dzieci. Dlatego też sprofanowałam i gwarę i Brzechwę, bo przełonaczyłach na nasze "Żurawia i Czaplę". Tym, których jeszcze nie było w SP12, przypominam moją wersję:

Żuraw i czapla

Zmierzło sie już żurawiowi
sztyjc samymu ryby łowić...
Łoroz, luknył ku przikopie:
czapla gryfnie woda słopie.
Gibko pylnoł się bez woda
i zaczyno do ni godać:

„Moja czaplo roztomiło,
niebo mi cie tu skludziło!
W ajncli kustu mom za tela,
drap sie rychtuj do wesela!”

Jak się czapla rozciepała:
„Chcesz, bych cie po dzióbie sprała?
Czy mi co na dekel pizło?
Dom się skusić jednom glizdom?
Jeszczech na łeb nie upadła,
coby wydać sie skiż jadła!”

Żuraw – łokropnie zgańbiony –
pofurgoł hań, w swoji strony.

Czapla zaczła (zaroz potym,
jak i przeszły hercklekoty)
myśleć, czy dobrze zrobiyła:
„Tak żurawia zbamonciyłach...
Borok przaje mi, to prawie.
Poleca za nim ku stawie
i dom kusku mu na zgoda.
Gzuja na przimo, bez woda!”

Hnet do ajncle przifurgała
i we dźwiyrze zaklupała.

Żuraw tak się drapko zwyrtnoł,
że bez cufal by kopyrtnoł...

„Kiej mi przajesz- z wolom bożom
-mogymy iść ku ołtorzu.
Niy maś borok ni oszkubek,
beztoż dej na zgoda dzióbek.”

„Przifurgałaś tu na darmo!
Terazki mie możesz charnonć!
Nie chca widzieć takij jyndzy!
Pacz mi się tu nie molyndzić”.

Czapla na to: „On mo ała!”
Ku przikopie pofurgała.

A żurawia w chałpie nosi:
„Możno póda jom przeprosić...
Tako szwarno je, to przeca
wysztrychna sie i poleca”.

Oblyk ancug i glazyjki,
klupie w dźwiyrze beskurcyjki.
„Co chcesz, giździe zatracony?
Zaś żeś prziszoł szukać żony?!
Ciong mi stond, bo sie zapomna
i z bifyja nóż wyciongna!
Z tobą ciyngiym mom utropa
-niy chca mieć takigo chłopa!”

Żuraw choby bez pysk dostoł,
ani chwilki tam nie postoł
i farońsko pogorszony
wyparził stela pieronym.

A czapla juzaś żałuje
i przi oknie poślintuje:
„Po co żech mu tak nazdała?
Czamuch trocha nie doczkała.
Żurawiowi ni ma gany,
(chocioż troszka je oklany...)
Chyba piykny klajd oblecza,
za karlusym drap poleca.”

Szkuty w żdrzadle prziczosała,
stary parfin wysznupała,
i tak gryfnie wystrojono
idzie, coby zostać żonom.

Łażom już tak pora roków,
na zgoda ni ma widoków.
Łażom dycki jednom drogom,
a pożynić sie ni mogom.

(swoją drogą - Wojtek, Sabina i Beata byli w tych rolach rewelacyjni!)

Domisia · Wysłany: Pon 18:18, 19 Mar 2007 Temat postu:

Super

Tylko czemu Ja jeszcze tego nie słyszałam? jęzor

eremce · Wysłany: Wto 0:41, 20 Mar 2007 Temat postu:

Nie mam pojęcia, czemu... ?!

Domisia · Wysłany: Wto 16:49, 20 Mar 2007 Temat postu:

A to było na jakieś akademi?
Hmmm ... pytanie